Mae Creadigol yn asiantaeth ddwyieithog sy’n credu bod brand yn fwy na logo statig neu wefan. Mae’n brofiad, yn deimlad mae pobl yn ei gael pan fyddant yn rhyngweithio â’ch busnes. Dyna pam rydyn ni bob amser yn sicrhau bod symudiad yn flaenllaw yn ein proses ddylunio.

Nid sôn am ychwanegu ychydig o GIFs animeiddiedig yma ac acw yn unig yr ydym ni – rydyn ni’n sôn am ddefnyddio symudiad fel rhan greiddiol o’ch strategaeth ddylunio. Boed hynny trwy feicro-ryngweithiadau, animeiddiadau, neu hyd yn oed gynnwys fideo llawn, credwn y gall symudiad drawsnewid eich brand a’ch helpu i sefyll allan mewn marchnad orlawn.

Ond nid yw ein gwaith yn stopio gyda symudiad. Fel stiwdio ddylunio gwasanaeth llawn, rydyn ni’n cynnig ystod eang o wasanaethau i’ch helpu i gyflawni eich nodau. O strategaeth brand a dylunio hunaniaeth i UX/UI (profiad defnyddiwr / rhyngwyneb defnyddiwr) a datblygu gwe. Mae ein tîm o ddylunwyr, strategwyr a’n datblygwyr dwyieithog yn angerddol am ddarparu datrysiadau dylunio o’r radd flaenaf sydd wedi’u teilwra i’ch anghenion unigryw.