Sut i lansio logo

Logos yw un o rannau pwysicaf unrhyw strategaeth frandio.

Os oes gennych logo sydd wedi dyddio, gall dylunio logo newydd sy’n cynrychioli eich brand yn berffaith deimlo fel y cam rhesymegol nesaf.

Er bod lansio logo newydd yn amser cyffrous i unrhyw frand, mae’n bwysig ei gael yn iawn er mwyn cael y gorau o’ch buddsoddiad.

I fanteisio ar eich brand newydd, mae angen i chi greu lansiad logo llwyddiannus.

I lansio logo, bydd angen i chi:

• Ystyried prif bwrpas y logo
• Deall eich brand a’ch cynulleidfa
• Dylunio eich logo newydd
• Lansio eich logo’n fewnol yn gyntaf
• Diweddaru deunyddiau brand a chwblhau’r brandio
• Creu cyffro a lansio popeth ar unwaith

1. Ystyried prif bwrpas y logo

Y cam cyntaf i lansio logo yw ystyried ei brif bwrpas.

Wrth ystyried pwrpas eich logo, mae’n bwysig edrych ar y gwahanol fathau o logos a sut y gallen nhw weithio i’ch amcanion.

Gallai’r rhain gynnwys, ymhlith eraill:

• Symbol logo: eicon graffig sy’n wych i fusnes ag enw hirach y mae delwedd yn ei gynrychioli orau.
• Llythrenfarc: logo ffont-seiliedig sy’n addas i fusnesau ag enwau hirach sydd am eu byrhau’n acronym.
• Gairfarc: logo ffont-seiliedig sy’n gweddu orau i fusnesau ag enwau byrrach.
• Masgot: cymeriad darluniadol sy’n cynrychioli eich brand.

Drwy edrych ar y gwahanol fathau o logos a phwy y maen nhw’n eu gwasanaethu orau, gallwch benderfynu pa un sydd fwyaf addas i’ch brand.

2. Deall eich brand a’ch cynulleidfa

Y cam nesaf i lansio eich logo yw deall eich brand a’ch cynulleidfa.

Gan fod eich logo’n estyniad o’ch brand, rhaid iddo aros yn driw i bwrpas eich brand a chyfleu’r hyn y mae’n sefyll drosto, gan siarad â’ch cynulleidfa ar yr un pryd.

O ystyried bod ‘mwy na thri chwarter defnyddwyr (76%) yn dweud y bydden nhw’n prynu gan frand y maen nhw’n teimlo cysylltiad ag ef yn hytrach na chystadleuydd’, mae pwysigrwydd creu logo y bydd eich cynulleidfa’n uniaethu ag ef yn dod yn bwysicach fyth.

O’ch ymchwil marchnad, penderfynwch beth sy’n denu eich cynulleidfa a beth sy’n eu gwrthod.

Cofiwch y gallai eich cynulleidfa gamddeall yr hyn y mae eich brand yn sefyll drosto, a bydd hynny’n arwain at ddatgysylltiad os na fyddwch yn dylunio’r logo cywir.

3. Dylunio eich logo newydd

Unwaith y byddwch wedi gosod y sylfeini, mae’n amser dylunio eich logo newydd.

Dylai eich logo grynhoi eich brand a chreu hunaniaeth brand mor gref fel y gall pobl ei hadnabod ar unwaith.

Sut i ddylunio logo cwmni da

Mae llawer o gamau’n rhan o ddylunio logo cwmni da, o daflu syniadau am eiriau sy’n disgrifio eich brand i fireinio’r braslun a ddewiswyd.

Ond os nad ydych erioed wedi dylunio logo, mae cyflogi cwmni brandio a dylunio i greu un i chi yn fan cychwyn rhagorol.

Mae ein tîm o ddylunwyr yn Creadigol Design yn credu bod brand yn fwy na logo statig: teimlad ydyw y mae pobl yn ei brofi pan fyddan nhw’n rhyngweithio â’ch busnes.

Gall ein harbenigwyr greu logo sy’n pwysleisio pwy ydych chi, beth rydych yn ei gynnig, a sut rydych am gael eich gweld. Rydyn ni’n mynd ati i geisio eich mewnbwn, gwrando ar eich syniadau ac ymgorffori eich adborth drwy gydol y broses i greu profiad eithriadol i bob cleient.

Yn ogystal, fel stiwdio dylunio brand gwasanaeth llawn, rydyn ni’n cynnig ystod eang o wasanaethau dylunio a brandio i wella eich strategaeth frandio a’ch helpu i gyflawni eich nodau.

Cysylltwch ag aelod o’n tîm heddiw.

4. Lansio eich logo’n fewnol yn gyntaf

Mae lansiad mewnol i’ch logo’n chwarae rhan hanfodol wrth ddod â’ch tîm i’r un lle.

I wneud hyn, efallai y penderfynwch gynnal digwyddiad i’r cwmni cyfan a darparu canllaw arddull brand swyddogol sy’n manylu ar y logo yn ogystal ag unrhyw newidiadau brand rydych yn eu gwneud.

Bydd hyn hefyd yn rhoi cyfle i chi ddosbarthu deunydd hyrwyddo, gan gynnwys crysau-t a nwyddau eraill sy’n dangos y logo.

Mae lansio eich logo’n fewnol yn bwysig er mwyn sicrhau bod pawb ar yr un dudalen cyn y lansiad.

5. Diweddaru deunyddiau brand a chwblhau’r brandio

Cyn i chi lansio logo, bydd angen i chi sicrhau eich bod yn diweddaru unrhyw ddeunyddiau brand.

Bydd angen i chi ddiweddaru eich gwefan, cardiau busnes, hysbysebion, a phroffiliau a graffeg y cyfryngau cymdeithasol, i enwi ond ychydig, a pheidiwch ag anghofio eich llofnodion e-bost. Wedi’r cyfan, y manylion bach sy’n cyfrif.

Yn ogystal, mae angen i chi sicrhau bod eich brandio’n gyflawn. O liwiau i ffontiau, graffeg i ffotograffiaeth, rhaid i bopeth gyd-fynd â’ch golwg newydd.

Mae hyn yn bwysig oherwydd os nad yw gweddill eich elfennau brand yn cyd-fynd â’ch logo, fydd gennych chi ddim hunaniaeth brand gydlynol.

I ddysgu mwy am pam mae hunaniaeth brand gref yn bwysig, darllenwch ein dyddiadur.

6. Creu cyffro a lansio popeth ar unwaith

Y cam olaf i lansio logo yw creu cyffro a gosod dyddiad i lansio popeth ar unwaith.

Mae lansio eich logo’n gyfle i sefydlu adnabyddiaeth ac ymwybyddiaeth brand.

Ffordd wych o greu cyffro yw drwy flog eich cwmni neu eich tudalennau cyfryngau cymdeithasol, fel Instagram. O ystyried bod 1.4 biliwn o ddefnyddwyr Instagram ledled y byd, mae gan gyhoeddi lansiad eich logo ar y platfform y potensial i gyrraedd pwll enfawr o gwsmeriaid newydd, felly gwnewch y mwyaf o’r cyfle.

Ar ddiwrnod y lansiad, gwnewch eich gwefan yn fyw, postiwch ar y cyfryngau cymdeithasol, a chrëwch flog i gyhoeddi’r logo a’r newidiadau cyffrous i’ch brandio.

I greu mwy fyth o gyffro, gallech gynnig cymhellion i ymgysylltu â chwsmeriaid ar draws eich platfformau cymdeithasol, fel gostyngiadau ar gynnyrch neu wasanaeth am gyfnod cyfyngedig i ddathlu lansiad eich logo.

Fel hyn, gallwch wneud y mwyaf o effeithiolrwydd y lansiad, cyffroi eich cwsmeriaid am eich brand, a manteisio ar eich ailfrandio.

Dyna ni felly. Gobeithio bod yr erthygl hon wedi rhoi persbectif ehangach i chi ar sut i lansio logo.

Creadigol Design ydyn ni: stiwdio ddylunio gwasanaeth llawn, ddwyieithog yn y DU, wedi’i chreu i drawsnewid eich brand a’ch helpu i sefyll allan mewn marchnad orlawn.

O strategaeth brand a dylunio hunaniaeth i UX/UI a datblygu gwe, mae ein tîm o ddylunwyr, strategwyr a datblygwyr dwyieithog yn angerddol am ddarparu gwasanaethau brandio a dylunio o’r radd flaenaf sydd wedi’u teilwra i’ch anghenion unigryw.

Cysylltwch â’n harbenigwyr heddiw i weld sut y gallwn helpu eich busnes.

Ysgrifennwyd gan Jemima ar gyfer Creadigol Design.